Yangilanishlar

Yangi manzil — chsbbsb.uz va 10 000 so‘m bonus

Qo‘shildi

• Platforma o‘z domeniga ko‘chdi: sayt — chsbbsb.uz, o‘qituvchi kabineti — panel.chsbbsb.uz, o‘quvchilar sahifasi — test.chsbbsb.uz. Eski manzillar ham ishlab turadi.
• Ro‘yxatdan o‘tgan har bir o‘qituvchining balansiga 10 000 so‘m bonus tushadi — 2 ta sinf nazoratiga yetadi. Avvalgi «2 ta bepul sinf» o‘rniga.

Tuzatildi

• Testlarning o‘quvchilar uchun havolalari endi yangi manzilda: test.chsbbsb.uz/t/…

Testga sinf biriktirish tuzatildi

Tuzatildi

• Testga ilgari biriktirilgan sinf keyin o‘chirilgan bo‘lsa, testni tahrirlab saqlaganda «Sinf topilmadi» xatosi chiqardi. Endi o‘chirilgan sinf testdan o‘zi tushib qoladi, test tanlangan sinflar bilan saqlanadi va o‘chirilgan sinf uchun to‘lov yechilmaydi.

O‘quv yili, savol kodi va takroriy savollar

Qo‘shildi

• Har bir savol, test va import uchun o‘quv yili tanlanadi (hozir 2026-2027). Savollar bazasi va testlar ro‘yxatini o‘quv yili bo‘yicha saralash mumkin.
• Har bir savolning o‘z kodi bor, masalan #B6F7B5: qidiruvga yozib bir zumda topasiz, ustiga bossangiz nusxalanadi.
• Bazada bor savol qayta qo‘shilmaydi: BSB yoki ChSB faylidan import qilganda takroriy savollar alohida ko‘rsatiladi va «Bazada ko‘rsatish» bilan asl savolga o‘tasiz.
• Savollar bazasida «Mening savollarim» va «Boshqalarniki» filtri.
• Boshqa o‘qituvchining savolini o‘zgartirib bo‘lmaydi — testda bemalol ishlatasiz yoki «Nusxa olish» bilan o‘zingizga moslab olasiz, asli o‘zgarmaydi. Umumiy testlar ham faqat nusxa orqali ishlatiladi.
• Natijada AI o‘quvchiga aynan shu sinf darsligidagi mavzu va betni tavsiya qiladi («9-sinf darsligi: “Xotira qurilmalari”, 34–36-betlar») va betni ochish havolasini beradi. Bu test saqlanganda yoki ochilganda avtomatik tayyorlanadi.
• BSB savollarida AI izohi kengroq — nima to‘g‘ri, nima yetishmaydi va to‘g‘ri javobning mohiyati; ChSB da qisqa, bir gap.

Tuzatildi

• Darsliklarni faqat administrator yuklaydi va o‘qitadi — o‘qituvchi ularni ko‘radi, hech narsa yuklashi shart emas.

Fayldan import aniqroq

Qo‘shildi

• Savol matnidagi jadval (masalan, routerlar yo‘nalish jadvali yoki «to‘g‘ri / noto‘g‘ri» jadvali) o‘quvchiga haqiqiy jadval bo‘lib ko‘rinadi.

Tuzatildi

• Word yoki PDF dan import qilingan test savoliga rasm, chizma va sxema ham biriktiriladi — oldin faqat yozma topshiriqlarga biriktirilar edi.
• Word dagi yonma-yon turgan ikkita jadval (jadval ichidagi jadval) endi alohida va to‘liq o‘qiladi, bir qatorga yopishib qolmaydi.
• Test variantlari (A, B, C, D) savol matnida ikkinchi marta takrorlanmaydi.
• Savol ichidagi a), b), c) bandlar va 1., 2., 3. gaplar har biri alohida qatorda ko‘rinadi.
• A–D variantli «to‘g‘ri / noto‘g‘ri» jadvalli savol bitta javobli test bo‘lib qoladi, jadvali savol matnida ko‘rinadi.
• Testning umumiy bali yaxlitlanadi: 39,99999 o‘rniga 40 ball.

Narxlar e’lon qilindi

Qo‘shildi

• Saytda «Narxlar» sahifasi: 1 sinf nazorati narxi, bepul sinov, bonusli paketlar va sizga qancha kerakligini hisoblaydigan kalkulyator.
• Bosh sahifada va savol-javoblarda narxlar; AI yordamchi va Telegram bot ham joriy narxlarni aytadi.
• Balansni to‘ldirishda to‘lov uchun kartalar va Click/Payme havolalari ko‘rsatiladi — nusxalash tugmasi bilan. So‘rov yuborgach, bot ham shu ma’lumotni Telegramga yuboradi.
• Administrator to‘lov kartalarini «Moliya» bo‘limida o‘zi qo‘shadi, almashtiradi yoki vaqtincha o‘chiradi — bir nechta karta bo‘lishi mumkin.

Balans va sinov

Qo‘shildi

• «Balans» bo‘limi: balansingiz, chorakka qancha kerakligini hisoblaydigan kalkulyator va bonusli paketlar. Katta paketga ko‘proq bonus qo‘shiladi, ishlatilmagan pul keyingi choraklarga qoladi.
• Yangi o‘qituvchiga birinchi 2 ta sinf nazorati bepul — platformani o‘z sinfingizda sinab ko‘rish uchun.
• Testni ochishda u nechta sinf uchun ochilishi va qancha yechilishi oldindan ko‘rsatiladi. Har bir sinf uchun bir marta yechiladi, qayta ochsangiz yechilmaydi.
• Birinchi kirishda «Nechta sinfga dars berasiz?» deb so‘raladi — shunga qarab sizga mos paket taklif qilinadi.
• Yuqori panelda balansingiz ko‘rinib turadi.
• Balans to‘ldirilganda Telegram botimiz xabar beradi.
• Savollarni fayldan o‘qish, AI bilan topshiriq tuzish va darslik o‘qish endi kuchliroq AI modelida — natija aniqroq. Javoblarni tekshirish avvalgidek tez va tejamkor modelda.

Telegram bot va AI yordamchi

Qo‘shildi

• Telegram bot @bsbchsbaibot: platforma haqidagi savollarga AI javob beradi, login olish uchun ariza qabul qiladi, taklif va shikoyatlarni jamoaga yetkazadi.
• Ariza yuborilgach sahifada «Botni ishga tushirish» tugmasi chiqadi — ariza tasdiqlanishi bilan bot ustozga hisob ochib, login va parolni o‘zi yuboradi.
• Saytda AI yordamchi chat: platforma bo‘yicha savollarga darhol javob beradi, kerak bo‘lsa kontaktingizni jamoaga yetkazadi.
• Botda «Bog‘lanish» tugmasi: telefon raqamingizni yuborsangiz, jamoamiz o‘zi bog‘lanadi.
• Jamoa uchun faoliyat lentasi: kabinetdagi amallar, yangi arizalar va topshirilgan ishlar Telegram guruhiga keladi.
• «Arizalar» bo‘limida ariza qayerdan kelgani, ustoz botni ochgani va yaratilgan login ko‘rinadi.
• Sayt pastida tarmoqlarimiz: Telegram kanal va bot; muallif sahifasida muallifning kanali.

Blog va muallif

Qo‘shildi

• Blog: platforma muallifi, informatika o‘qituvchisi Murodov Oybekning 90 ta maqolasi. 26-oktabrdan boshlab har kuni uchtadan yangi maqola chiqadi.
• «Biz haqimizda» sahifasida loyiha qanday boshlangani, raqamlar va reja.
• Saytda Telegram kanalimiz — @bsbchsbai — va hamkorimiz WebForte Academy o‘quv markazi.

Mustaqil platforma

Qo‘shildi

• «Yangilanishlar» bo‘limi: har bir versiyada nima qo‘shilgani va nima tuzatilgani kabinetda ham, saytda ham ko‘rinadi.
• Platformaning o‘z sayti: imkoniyatlar, ustozlar uchun skrinshotli qo‘llanma (PDF qilib yuklab olish ham mumkin) va blog.
• O‘quvchi kirish sahifasida maktab saytining nomi o‘rniga test egasi bo‘lgan o‘qituvchining maktabi ko‘rsatiladi.
• Saytdagi «Sinab ko‘rish» arizalari administrator kabinetida, «Arizalar» bo‘limida ko‘rinadi.

Tuzatildi

• Platforma maktab saytidan to‘liq ajratildi: alohida loyiha, serverda alohida joy. Havolalar, loginlar, testlar va natijalar o‘zgarmadi.
• Natija sahifasida va o‘qituvchining tekshirish oynasida test javobi «b» harfi bilan emas, «B) Klaviatura» ko‘rinishida chiqadi. Ko‘p javobli savolda o‘quvchining javobi umuman ko‘rinmasdi.

Loyiha ishi

Qo‘shildi

• «Loyiha ishi» turi: o‘quvchi Scratch (.sb3), video, audio yoki hujjat topshiradi. Daqiqa o‘rniga topshirish muddati (sana va vaqt) beriladi.
• Katta fayllar bo‘laklab yuklanadi, yuklanish foizi ko‘rinadi, internet uzilsa o‘zi qayta urinadi. Muddat tugaguncha faylni almashtirish mumkin.
• AI Scratch bloklarini, hujjat sahifalarini va video kadrlarini mezon bo‘yicha tekshiradi. Kadrdan aniqlab bo‘lmaydigan talabni o‘qituvchiga qoldiradi.
• Tekshirish oynasida video va audio shu sahifaning o‘zida ijro etiladi, har bir mezon yonida AI qarori va izohi turadi.
• Loyiha hujjatini (.docx) «BSB faylidan» yuklasangiz, AI uni shart, mezon va fayl joylari bilan tayyor loyiha savoliga aylantiradi.

Tuzatildi

• ChSB demo testlarida ballar 10 barobar katta chiqardi (400 ball). Endi 40 ball, o‘quvchilarning foizlari o‘zgarmadi.
• Savol matnida javob variantlari (A, B, C…) ikki marta yozilib qolardi, ortiqchasi olib tashlandi.

Test turlari, natijani ochish va umumiy testlar

Qo‘shildi

• Test turi tanlanadi: BSB, ChSB yoki oddiy test. Yopiq savolli testlarda ortiqcha sozlamalar ko‘rinmaydi.
• Natija qachon ko‘rinishini tanlaysiz: butun sinf tugatganda, siz ruxsat berganingizda yoki darhol. Endi o‘quvchilar javoblarni bir-biriga aytib bera olmaydi.
• Yopiq savollar uchun AI qisqa izoh yozadi: xato qilgan o‘quvchiga to‘g‘ri javob va uning sababi ko‘rsatiladi.
• O‘quvchiga tavsiyalarda darslikdagi mavzu nomi va bet raqami yoziladi.
• Testni ochishdan oldin uni o‘quvchi ko‘zi bilan ko‘rib chiqish (oldindan ko‘rish).
• «Umumiy testlar»: administrator testni shu fan o‘qituvchilari bilan bo‘lishadi, o‘qituvchi so‘rov yuborib, testni o‘ziga nusxa qilib oladi.
• Ball kasr son bo‘lishi mumkin (masalan, 2,4 ball). O‘qituvchi har bir javob balini 0,1 aniqlikda o‘zgartira oladi.

Tuzatildi

• ChSB faylini yuklashda savollar raqami, to‘liq matni va ballari (B — 2, Q — 2,4, M — 5) to‘g‘ri olinadi. Kalit yo‘q savolga AI javobni o‘zi topadi.
• Google Forms natijalarini yuklash tugmasi faqat administratorda qoldi.

O‘qituvchining o‘z sinflari va maktablar

Qo‘shildi

• Har bir o‘qituvchi sinflarini o‘zi yaratadi va o‘quvchilarni qatorma-qator formada qo‘shadi, tahrirlaydi, o‘chiradi.
• Ishni boshlashdan oldin viloyat, tuman, maktab va uning manzili so‘raladi.
• Har kim faqat o‘z sinflarini ko‘radi. Bir maktab o‘qituvchilari sinflarini sinxronlashtira oladi: so‘rov boradi, hamkasb rozi bo‘lsa sinflar umumiy bo‘ladi.
• Administrator foydalanuvchilar, sinflar va o‘quvchilarni hududlar va maktablar bo‘yicha ko‘radi.
• Baholash xalqaro tamoyillar bo‘yicha: qisqa, lekin to‘g‘ri javob ball yo‘qotmaydi, qisman to‘g‘ri javobga qisman ball beriladi.
• Imlo xatosi uchun ball ayirish har bir test uchun alohida yoqiladi yoki o‘chiriladi.

Tuzatildi

• AI ba’zi yozma javoblarga keragidan past ball qo‘yardi. Qayta baholashda ball faqat oshishi mumkin, tushmaydi.
• Darsliklardagi «Bet raqamlari» maydoni olib tashlandi: bet raqami endi avtomatik aniqlanadi.

Fanlar, o‘qituvchi loginlari va hisobotlar

Qo‘shildi

• Boshqa fanlar qo‘shildi (birinchisi — Rus tili). Fanlarning savollari, darsliklari va testlari bir-biriga aralashmaydi.
• Har bir o‘qituvchiga alohida login. O‘qituvchi o‘z faniga biriktiriladi va faqat o‘z testlari va natijalarini ko‘radi.
• Butun BSB faylini (PDF, Word yoki rasmlar) bir marta yuklash: AI uni savollarga ajratadi, siz tasdiqlaysiz.
• AI darslik asosida BSB talablariga mos topshiriq tuzib beradi.
• Natijalar va tahlil bitta PDF hisobotda, Excel’ga eksport, har bir o‘quvchiga bir betlik PDF tahlil.
• ChSB savollarini va Google Forms natijalarini yuklash.
• Har sahifa tepasida yo‘l ko‘rsatkich, tahrirlash alohida sahifada ochiladi.

Tuzatildi

• «Bob» va «Baho» maydonlari olib tashlandi: nazorat ishida faqat ball qo‘yiladi.
• Savolni tahrirlash tugmasi (qalamcha) bosilganda hech narsa bo‘lmasdi.
• PDF hisobotda vaqt noto‘g‘ri chiqardi, endi Toshkent vaqti bilan.
• Qisqa, lekin to‘g‘ri javoblarga kam ball qo‘yilardi.

Tasodifiy savollar va qayta topshirish

Qo‘shildi

• Tasodifiy savollar: masalan, 10 ta savoldan har bir o‘quvchiga 5 tasi tushadi, jami ball esa hammada bir xil (masalan, 50).
• «Qayta topshirish»: o‘quvchining eski natijasini bekor qilib, testni qaytadan ishlatish.
• Jadvalli topshiriqlarda o‘quvchi javobni jadval katakchalariga yozadi.
• Administrator uchun AI xarajati paneli.

Tuzatildi

• Tasodifiy testlarda jami ball 46–54 orasida chiqib qolardi, endi aniq siz bergan son.
• «1/5» belgisi ikki qatorga bo‘linib ketardi; ba’zi topshiriqlarda javob maydonlari yo‘q edi.
• AI tekshiruvi ancha arzonlashdi va tezlashdi.

Har testga havola va darslik bo‘yicha tekshirish

Qo‘shildi

• Har bir testning alohida havolasi va QR kodi bor. «Doskaga» rejimi kodni sinf doskasida katta qilib ko‘rsatadi.
• Savol kiritish tartibi: turi, savol (rasm yoki matn), baholash mezoni (rasm yoki matn), maksimal ball, sinf va chorak.
• Darsliklar: javoblar darslik asosida tekshiriladi va o‘qituvchiga «N-betdagi ma’lumot asosida» deb ko‘rsatiladi. 5–11-sinf darsliklari yuklandi.
• Imlo xatosi uchun ball ayirish, necha ball ayirilishi sozlamada belgilanadi.
• O‘quvchi javobni boshqa joydan nusxa ko‘chirib qo‘ya olmaydi, faqat o‘zi yozadi.

Tuzatildi

• AI darslikdagi to‘g‘ri javobni o‘z bilimiga tayanib xato deb qo‘yardi. Endi darslikka tayanadi.

Rasmli topshiriqlar va AI tekshiruv

Qo‘shildi

• Rasmli topshiriqlar: savol va uning baholash mezoni rasm ko‘rinishida yuklanadi.
• Ko‘p savolni rasmlardan birdan yuklash.
• «AI tekshiruv»: test tugagach har bir o‘quvchining javobi mezon bo‘yicha avtomatik tekshiriladi.

Birinchi versiya

Qo‘shildi

• O‘quvchi sahifasi: sinfini, ro‘yxatdan ismini tanlaydi va doskadagi kodni kiritadi. Vaqt tugasa ish avtomatik topshiriladi, sahifa yangilansa javoblar yo‘qolmaydi.
• O‘qituvchi paneli: savollar bazasi, sinflar, o‘quvchilar, testlar va natijalar.
• Savol turlari: bitta javobli, ko‘p javobli, to‘g‘ri/noto‘g‘ri, qisqa javob va ochiq javob.
• Yopiq savollar avtomatik, yozma javoblar AI yordamida tekshiriladi. O‘qituvchi har bir ballni o‘zgartira oladi.
• Import qilingan va AI tuzgan savollar o‘qituvchi tasdiqlagandan keyin bazaga qo‘shiladi.